Është ndërprerë ndeshja mes Rumanisë dhe Kosovës, e vlefshme për kualifikueset e Euro 2024.
Në minutën e 20-të të kësaj sfide ka ndodhur një ngjarje e paprecedentë, që ka detyruar arbitrin të ndërpresë ndeshjen.
Një pankartë skandaloze e ultrasve rumunë “Kosova është Serbi”, nuk hiqet nga stadiumi e përveç ksaj në sfond dëgjohen dhe kore raciste, duke e detyruar arbitrin të dërgojë skuadrat në dhomat e zhveshjes.
Futbollistët rumunë kanë biseduar me tifozët, të cilët nuk e kanë larguar mesazhin nga tribunat.
Ndeshja pritet të rinisë pas pak minutash pa praninë e tifozëve të cilët shkaktuan incidentin.
Ky nuk është provokimi i parë nga ana e tifozëve rumunë të cilët u përjashtuan edhe nga stadiumi “Fadil Vokrri” tre muaj më parë për shkak të koreve provokuese në Prishtinë që u mbyll në barazim pa gola.
BREAKING NEWS: Romania vs Kosovo on hold after "Kosovo is Serbia" chanting and banners at the Romania ultras end. pic.twitter.com/JLhah3FWhc
— Emanuel Roşu (@Emishor) September 12, 2023
