Kryebashkiaku i Kamzës Rakip Suli është kryetari i radhës i socialistëve që kallëzohet në Prokurorinë e Posaçme. Kallëzimi është depozituar në SPAK këtë të Hënë nga këshilltarë të opozitës në bashkinë e Kamzës, që e akuzojnë Sulin dhe kryetarin e këshillit bashkiak Hysen Koldashi për një sërë veprash penale si: Ushtrim i ndikonit të paligjshëm ndaj personave që ushtrojnë funksione publike, shpërdorimi i detyrës, shkelja e barazisë së pjesëmarrësve në tendera apo ankande publike.
Avokatja përfaqësuese e kallëzuesve Adriana Kalaja, në një deklaratë për mediat jashtë ambienteve të SPAK, tha se padia bazohet në auditimet e KLSH mbi veprimtarinë e bashkisë së drejtuar nga Suli si dhe veprimtarinë vendimmarrëse të drejtuesve të bashkisë, që e cilëson të kundraligjshme.
“Ne kemi sot kemi paraqitur mënyrën si njoftohen këshilltarët bashkiakë për të bërë mbledhjet online, kjo në kundërshtim me ligjin për vetëqeverisjen vendore, por edhe në kundërshtim me vetë rregulloren e këshillit bashkiak. Nga ana tjetër, Këshilltarët e opozitës kanë kohë që i kanë kërkuar kryetarit të bashkisë dhe të këshillit bashkiak për ti vënë në dispozicion një rregullore sesi funksionin këshilli bashkiak dhe kjo rregullore edhe sot që kemi ardhur në SPAK refuzon ti vihet dispozicion këtyre këshilltarëve. Nga ana tjetër, kemi paraqitur para raportin e auditimit të KLSH i cili ka gjetur mjaft shkelje ligjore, vepra penale që lidhen me korrupsionin. Kryesisht këto vepra penale lidhen me mënyrën se si janë investuar shpenzimet e caktuara nga këshilli bashkiak, dhe nga ana tjetër në lidhje me parashikimet ligjorë që i korrespondojnë vlerës 3% të strehimit sociale, ligji i cili është ndryshuar sipas këndvështrimit të këshilltarëve por edhe dispozitave ligjore në kundërshtim me kushtetutën me një VKM të marrë në vitin 2019 në kohën kur kjo bashki kishte një autonomi nga pjesëmarrësit e PS”, tha Kalaja.
“Në të gjithë këto vepra penale që ne denoncojmë sot, përfaqësuesit e koalicionit BF dhe Partisë Agrare kanë kërkuar që të mbajë një qëndrim jo vetëm kryetari i bashkisë, por edhe kryetari i këshillit bashkiak dhe të gjithë ata zyrtarët e lartë që në kundërshtim me ligjin kërkojnë që mbledhja të bëhet online, por edhe vendime të ndryshme për bashkinë e Kzmës i marrin fshehtas dhe bëjnë sikur i votojnë në mbledhjen e Këshillit Bashkiak. Ne shpresojmë shumë që SPAK të ngrihet në lartësinë e detyrës dhe të verë para përgjegjësisë kryetarin e bashkisë, kryetarin e këshillit bashkiak dhe gjithë zyrtarë të tjerë të cilët kanë marrë aktivisht në konsumimin e këtyre veprave penale”, shtoi ajo.
Alfred Halilaj, kryetari i grupit të këshilltarëve të koalicionit “Bashkë Fitojmë” për bashkinë Kamëz tha se ky institutin është kthyer në “bunker informacioni” ku mungon transparenca dhe po merren vendime të paligjshme nga mazhoranca. Ai paralajmëroi edhe protesta.
Një tjetër këshilltar e cilësoi “të frikshme” shpërdorimet, sipas tij, të fondeve të bashkisë. Ai tha se në prokurime publike vendosen kritere në mënyrë që fondet në kompani të paracaktuara më herët.
