Presidenti amerikan Joe Biden e konsideron rritjen e temperaturës globale me më shumë se 1.5 gradë Celsius në dy dekadat e ardhshme më të frikshme se një luftë bërthamor.
“Kërcënimi i vetëm ekzistencial me të cilin njerëzimi përballet edhe më i frikshëm se një luftë bërthamore është ngrohja globale që shkon mbi 1.5 gradë në 20-10 vitet e ardhshme. Ky do të ishte telash i vërtetë. Nuk ka rrugë kthimi nga kjo,” tha Biden në një konferencë shtypi në JW Marriott Hotel Hanoi në Hanoi, Vietnam, të dielën.
Në komentet e tij të dielën në Vietnam, ai vuri në dukje fokusin në rritje globale mbi ndryshimin e klimës, shkruajnë mediat e huaja.
“Shumë prej jush që janë ekspertë të politikës së jashtme kanë qenë të angazhuar për një kohë të gjatë. A keni menduar ndonjëherë se do të uleni në një konferencë të G20 ku të gjithë ishin të preokupuar me nocionin e ngrohjes globale? pyeti Biden. Jo një shaka. E keni menduar ndonjëherë këtë?”,tha ai.
Të mërkurën, Shërbimi i Ndryshimeve Klimatike të Bashkimit Evropian Copernicus njoftoi se Toka ka përjetuar tre muajt më të nxehtë të verës krahasuar me vitet e mëparshme.
