Dy drejtues automjetesh janë gjobitur nga Policia Rrugore e Tiranës, pasi kryenin manovra të rrezikshme në aksin Tiranë-Durrës.
Një prej tyre, drejtues kamioni, ka kryer manovra të rrezikshme me parakalime në autostradë, ndërsa tjetri, me makinë të vogël, është futur në korsinë e kundër tek rruga dytësore e autostradës, në momentin kur ka patur varg trafiku.
Njëroi prej tyre është gjobitur me 40 mijë lekë të rinj dhe tjetri me 10 mijë lekë të rinj, teksa gjobat policia ka reaguar pas denoncimit me pamje të manovrave të tyre në rrjetet sociale.
Njoftimi:
Kryenin manovra të rrezikshme me automjet, procedohen me masë administrative drejtuesit e tyre.
Policia Rrugore e Tiranës pas disa denoncimeve të ardhura nëpërmjet rrjeteve sociale, për disa drejtues automjetesh që kryejnë manovra të rrezikshme gjatë qarkullimit, ka organizuar punën për kapjen e tyre duke intensifikuar kontrollet në të gjitha rrugët e kryeqytetit.
Gjatë kontrolleve të ushtruara janë konstatuar automjetet që shfaqen në video dhe ndaj drejtuesve të tyre janë vendosur masat administrative 40,000 lekë të rinj referuar nenit 139, si dhe 10,000 lekë të rinj, referuar nenit 146 të Kodit Rrugor.
Policia Rrugore e Tiranës apelon që drejtuesit e mjeteve të tregojnë kujdes në raport me rregullat e qarkullimit.
