Shqipëria ka arritur një tjetër sukses, ndërsa ka fituar medalje ari në botërorin e gjimnastikës që po zhvillohet në Hungari.
Gjimnasti rus me nënshtetësi shqiptare Matvei Petrov arriti të triumfonte, në disiplinën e kalit me doreza.
33-vjeçari grumbulloi më tepër pikë se kundërshtarët e tij, duke lënë pas dy sportistët pretendentë nga Ukraina e Çekia. Kjo nuk është hera e parë që Petrov fiton vendin e parë, ndërsa i ka sjellë Shqipërisë të tjera medalje. Kujtojmë se që prej 2018 garon nën flamurin kuqezi.
