Ashtu si në ndeshjet e shkuara, “Plisat” do të jenë prezent edhe në ndeshjen mes Shqipërisë dhe Polonisë.
Të shumtë në numër, tifozët nga Prishtina kanë pushtuar rrugët e Tiranës dhe të organizuar janë nisur në drejtim të stadiumit “Air Albania”, aty ku do të jenë prezent për ndeshjen.
Me flakadanë nëpër duar, me birra e me këngë, tifozët kanë marrë rrugën në drejtim të stadiumit ku veç këngëve për Kombëtaren, nuk mungojnë as këngët që ata i kanë dedikuar skuadrës së Prishtinës. “Rrugës sypatrembur, Plisat po ecin”, është një nga “hitet” që dëgjohet në mesin e tifozëve.
