Ndihmësi i trajnerit të Shqipërisë, Zabaleta ka dhënë një intervistë pak minuta para ndeshjes kualifikuese të Euro 2024 ndaj Polonisë.
Zëvendësimi i Berishës me Strakoshën – “Berisha nuk ka qenë mirë dje dhe deri sot pasdite, ndaj nuk luan”.
Ndryshimi i Seferit me Uzunin -“Do të luajmë njësoj, Seferi vrapoi shumë me Çekinë, ndaj na duhej pak freski sot. Kështu vendosëm për Uzunin”.
Strategjia për të fituar ndeshjen? “Do të luajmë njësoj, luajmë në shtëpi apo jashtë, ne luajmë gjithmonë për të fituar. Duhet të jemi të organizuar në mbrojtje sepse polakët kanë kualitet dhe mund të bëjnë dëm. Pastaj duhet të bëjmë diferencën në sulm për të shënuar gol”, tha Zabaleta.
