Tërmeti shkatërrimtar pranë Marakeshit, që ka marrë jetën e mbi 1 mijë personave dhe ka plagosur qindra të tjerë, ka qenë një lajm tronditës për të gjithë.
Dhe sporti normalisht nuk mund të qëndronte larg.
UEFA ka vendosur që të nderojë viktimat e kësaj ngjarje të rëndë, duke vendosur një minutë heshtje në ndeshje.
“UEFA do të mbajë një minutë heshtje në të gjithë ndeshjet e ardhshme në kompeticionet për klube dhe kombëtare që nga dita e nesërme e deri më 21 shtator, në kujtim të viktimave të tërmetit tragjik në Marok”, shkruhej në vendimin e publikuar nga organizata që drejton futbollin në kontinent.
Kështu, në ndeshjen e nesërme mes Polonisë dhe Shqipërisë, para vërshëllimës për startin e këtij takimi të rëndësishëm, ashtu si në të gjithë stadiumet e tjera ku luhen ndeshje ndërkombëtare në kontinent, edhe në ”Air Albania” do të mbahet një minutë heshtje në kujtim të viktimave.
