Policia e Korçës ka arrestuar një 34-vjeçar i cili theu masën e sigurisë “Arrest në shtëpi”.
“Korçë/Theu në mënyrë të përsëritur, masën e sigurisë “Arrest në shtëpi”, të caktuar nga Gjykata, vihet në pranga 34-vjeçari. Specialistët për Hetimin e Krimeve të Komisariatit të Policisë Korçë arrestuan në flagrancë shtetasin A. L., 34 vjeç, banues në Korçë, pasi ka dalë jashtë banesës së tij, në kundërshtim me vendimin e Gjykatës së Apelit Korçë, e cila i kishte caktuar masën e sigurisë “Arrest në shtëpi”, për veprën penale “Largimi i të burgosurit nga vendi i qëndrimit””, njofton policia.
