Kryebashkiaku i Himarës i dalë nga zgjedhjet e 14 Majit, Fredi Beleri, duket se nuk do të dorëzohet në betejën për të fituar lirinë.
Mësohet se ai ka dorëzuar dy rekurse të reja në Gjyaktën e Lartë. Beleri kërkon në një prej rekurseve vlerësimin e paligjshëm të masës së arrestit të tij në flagrancë.
Ndërsa në rekursin e dytë ai kërkon të shpallen të paligjshme përgjimet e kryera nga Prokuroria e Vlorës për lejimin e përgjimit të fshehtë fotografik audio e video të personit të infiltruar.
Fredi Beleri u arrestua dy ditë para zgjedhjeve të 14 Majit, teksa akuzohet për blerje votash. Nëse nuk e kryen betimin si kryebashkiak deri më 14 shtator, atëherë ai e humb mandatin.
