Një i moshuar është gjetur i vdekur në bregun e rezervuarit të Gjancit në Korçë. Viktima është 63-vjeçari Niko Ngjela.
Ai ishte larguar nga shtëpia prej datës 2 Shtator, gjë që kishte vënë në alert familjarët. Këta të fundit kanë bërë denoncim në komisariat për zhdukjen e të afërmit të tyre.
Këtë të mërkurë, policia njoftoi gjetjen e trupit të pjetë të 63-vjeçarit, i cili dyshohet të jetë mbytur në rezervuar.
“Rreth orës 17:30, në bregun e rezervuarit të Gjançit, Korçë, është konstatuar i pajetë, dyshohet i mbytur shtetasi N.N., 67 vjeç, banues në Korçë, i cili më datë 02.09.2023, ishte larguar nga banesa e tij. Nga këqyrja paraprake e kufomës, nuk janë konstatuar shenja dhune. Trupi i pajetë i 67-vjeçarit, do të transportohet drejt morgut, për të kryer ekspertizën mjekoligjore e cila do të përcaktojë shkakun e vdekjes. Grupi hetimor po punon për sqarimin e rrethanave të ngjarjes”, njoftoi policia.
