Kryeministri Edi Rama ka reaguar pas takimit me presidenten e Kosovës Vjosa Osmani, e cila ndodhet në një vizitë dyditore në vendin tonë.
Në postimin e tij të shkurtër Rama shkruan: “Me Presidenten Vjosa Osmani, për të tashmen dhe të ardhmen e marrëdhënies së patjetërsueshme Kosovë-Shqipëri”.
Takimi i Ramës me Osmanin vjen pas përplasjes mes dy qeverive të Kosovës dhe Shqipërisë, dhe anulimit të mbledhjes së përbashkët mes tyre.
Nga ana tjetër dhe vetë marrëdhëniet mes Osmanit dhe Ramës nuk kanë qenë më të mirat e mundshme, pasi presidentja e Kosovës ka kërkuar një mbështetje të vazhdueshme dhe më të madhe nga Shqipëria në arenën ndërkombëtare.
Para takimit me Ramën, Osmani u prit nga presidenti Bajram Begaj me të cilin patën dhe një konferencë të përbashkët me mediat.
Osmani reagon pas takimit me Ramën: Biseduam rreth aspiratës së përbashkët evropiane
