Paraditen e sotme klubi i Kukësit zyrtarizoi shkarkimin e Rrahman Hallaçit nga pankina.
Trajneri i njohur, Hallaçi ka bërë një postim në rrjetet sociale, ku falenderon të gjithë për mbështetjen e dhënë gjatë gjithë kësaj kohe.
“Falënderoj tifozët kuksianë për mbështetjen që kanë treguar ndër vite ndaj meje, “Armatën e Veriut” si tifozeri speciale. Falënderoj dhe një herë tjetër me respekt të veçantë lojtarët e sezonit të kaluar me të cilët së bashku arritëm të realizojmë atë që kishim premtuar, qëndrimin në kategori. I uroj suksese në vazhdimësi të gjithë ekipit, lojtarëve, stafit teknik dhe atij sportiv”, shkruajti Hallaçi.
Menjëherë pas divorcit me Hallaçin, verilindorët ulën në stol Stavri Nicën. Nica do të debutojë ndaj Dinamos, me 13 shtator!
