Kryeministri Edi Rama ka njoftuar ditën e sotme nga foltorja e Asamblesë së Partisë Socialiste se në fillim të tetorit pritet të mbahet një Kongres i Jashtëzakonshëm.
Të kuadër të kësaj, Rama ka prezantuar ditën e sotme anëtarët e Sekretariatit, ku mes tyre nuk mungojnë as Evis Kush apo Milva Ikonomi.
“Unë propozoj si fillim që në fillim të Tetorit të ketë një Kongres të jashtëzakonshëm, ku ministrat e rinj të shpalosin të gjitha idetë e tyre. Me propozim të sekretarit të përgjithshëm në detyrë, Blendi Klosi ju kërkoj të miratoni sekretariatin e ri, që kërkon votëbesim nga Asambleja në Kongres“- tha Rama.
Pak më shumë se dy muaj më parë, Edi Rama e zëvendësoi Ardian Çelën në krye të OSHEE-së me një emër të përzgjedhur nga Belinda Balluku. E dukej se ‘luftën’ për kontrollin e OSHEE-së, një hambar punësimesh dhe patranozhistës për PS-në e kishte fituar klani Balluku. Por vetëm pak muaj pas kësaj lëvizje, Ardian Çela është rikthyer sërish në skenën politike të PS-së dhe këtë herë me një post të rëndësishëm, atë të sekretarit organizativ.
Më poshtë keni ndryshime e sekretariatit në Partinë Socialiste:
Sekretar organizativ
Adrian Çela
Sekretar i Burimeve Njerëzore
Eduard Ndreca
Sekretare e Gruas
Evis Kushi
Sekretar Digjital dhe i Rinisë
Etjen Xhafa
Sekretare e Marrëdhënieve me Jashtë
Romina Kuko
Sekretar i Çështjeve Zgjedhore
Eridian Salianji
Sekretare e Programit
Milva Ekonomi.
