Deputeti i PD-së, Gazment Bardhi është prononcuar për mediat para hyrjes në Kuvend për seancën plenare, teksa ka folur rreth shkakrimit nga Lulzim Basha si kreu i grupit parlamentar dhe takimit që ka thirrur nesër me deputetët opozitar.
Ai tha se kreun e grupit parlamentar e caktojnë deputetët, pasi sipas tij duhen votat e 19 deputetëve për t’u bërë kryetar grupi. Bardhi e ironiozoi Bashën duke e konsideruar qesharak për faktin se e shpalli veten kryetar grupi me 7 vota deputetësh.
Ndër të tjera, ai tha se Basha është i ftuar në takimin e nesërm, ku mund të shprehë ambiciet për kryetar të grupit parlamentar të PD-së.
“Kryetari i grupit parlamentar është ai që gëzon më votë të shumicë. Aktualisht duhet 19 vota që të zgjidhesh kryetar i grupit parlamentar, Basha duhet të votoj besimin e 18 kolegëve dhe vota e 19 do jetë e Gazmend Bardhit.
Unë kam ftuar të gjithë deputetet për të përcaktuar një axhende opozitare. Shqipëri ka nevojë për një opozitë funksionale dhe jo që zihet mes vetes dhe i krijon mundësi një qeverie të korruptuar. Kush e ndjen vetën opozitar është pranuar të bashkohet. Zoti Basha si një prej 59 deputeteve është i ftuar të bashkohet dhe të shpreh ambicien për tu bërë kryetar i grupit parlamentar.
Biem dakort të gjithë bashkë se 7 është më e vogël se 20. Nuk e di kush do ta bëjë zotin Basha qesharak që të thotë se 7 është më e madhe se 20 apo 30. Mbledhja e deputetëve cakton kryetarin e Grupit Parlamnetar të PD-së.
Takimi i nesërm është për të unifikuar një axhendë parlamentarë të gjithë të gjithë bashkë si deputetë të opozitës. Do të jemi të gjithë në një sallë për të diskutuar se si ka funksionuar opozita në këto dy vite për ti dhënë fund asaj situatë e cila na ka vënë shumë herë në siklet në këtë sallë të parlamentit dhe për të ndërtuat një aksion politik parlamentar të përbashkët”, u shpreh Bardhi.
