Autoritetet në Pennsylvania të SHBA-së u kanë bërë thirrje qytetarëve që të kenë kujdes nga vrasësi i dënuar me burgim të përjetshëm që ka arritur të arratiset nga burgu. Danelo Cavalcante është dënuar për vrasjen e ish të dashurës dhe kërkohet edhe nga Brazili për disa raste të tjera kriminale.
Prokuroria e ka cilësuar si person shumë të rrezikshëm. Policia ka vazhduar kërkimet edhe të shtunën dhe është zgjeruar zona e kërkimit të tij.
Autoritetet besojnë se Cavalcante po fshihet në zonë dhe u kanë bërë thirrje banorëve që të jenë vigjilentë. Braziliani i dënuar me burgim të përjetshëm ka arritur të ikë nga burgu të enjten në mëngjes dhe është parë në rrugët afër burgut.
Autoritetet nuk kanë treguar rrethanat e ikjes së tij, por kanë thënë se janë duke u zhvilluar hetime në lidhje me këtë. Gjykata e kishte dënuar Cavalcanten për vrasjen e Deborah Brandaos para fëmijëve të saj në prillin e vitit 2021. Ish të dashurën e kishte vrarë për shkak se ajo donte ta raportonte në polici për vrasjen që ai e kishte kryer në Brazil.
JUST IN: Authorities release surveillance video from Lenape Road home in Pocopson Township that they say shows Chester County Prison escapee Danelo Cavalcante. The security camera video was taken just before 2 a.m. Saturday.https://t.co/8ijftTWOEH pic.twitter.com/wuGBi6Bq02
— CBS Philadelphia (@CBSPhiladelphia) September 2, 2023
