Dy shtetas janë proceduar, pasi kanë tentuar të korruptojnë efektivët e policisë.
Blutë bëjnë me dije se procedimi ka nisur për shtetasit E.GJ, 40 vjeç dhe S.F, 37 vjec, pasi janë konstatuar të dehur në timon dhe pa rrip sigurimi.
“Gjatë kontrolleve parandaluese, shërbimet e Komisariatit të Policisë Rrugore kanë ndaluar, automjetin me drejtues shtetasin E.GJ, 40 vjeç, pasi është konstatuar duke drejtuar automjetin në gjëndje të dehur, si dhe automjetin me drejtues shtetasin S.F, 37 vjec pasi është konstatuar pa vendosur rripin e sigurisë.
Me qëllim shmangien e masës administrative, drejtuesit e automjetit kanë tentuar të korruptojnë punonjësit e Policisë, duke i ofruar atyre një shumë parash”,- njofton Policia.
Në vijim të veprimeve, u referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Korrupsioni aktiv i personave që ushtrojnë funksione publike”.
