Një prind i revoltuar ka denoncuar skandalin e ndodhur me provimin e zhvilluar nga Qendra e Shërbimeve Arsimore (QSHA) për maturantët që dëshironin të vazhdonin studimet për mjekësi si kusht për t’u pranuar në fakultet
Në provimet e maturës shtetërore, koha ishte 2 orë e gjysëm për 30-35 pyetje, ndërsa në provimin për pranimin në degën e mjekësisë koha ishte vetëm 1 orë për 50 pyetje. Sipas tij, vendosja e një kohe kaq të shkurtër për më shumë pyetje është e qëllimshme për t’u dhënë mundësinë për t’u futur në mjekësi maturantë me mesatare më të ulët.
Prindëri thotë se kjo ka ndodhur, pasi sipas tij, tek ky provim maturantët me mesatare të ulët kanë marrë pikë me shumë. Ai shton më tej se padrejtesia tjetër është se provimit i është dhënë nga ministria pesha prej 30% në grumbullin e përgjithshëm të pikëve duke e ulur vlerën e 3 viteve gjimnaz dhe 4 provimeve të maturës shtetërore me një të rënë të lapsit.
Prindi i revoltuar ka publikuar dhe certifikatën e maturës shtetërore të fëmijës së tij, të cilin e ka patur nxënës tek gjimnazi “Sami Frashëri”, i cili shihet se ka patur nota të larta si të të 3 viteve gjimnaz, po ashtu edhe ato të provimeve të maturës.
Denoncimi i publikuar nga Nisma Thurje:
Më poshtë është një ankesë e ardhur nga një prind i revoltuar:
“Në Universitetin e Mjeksisë u zhvillua një provim në QSHA.
Koha e provimit ishte 1 orë për 50 pyetje ndërkohë në provimet e maturës shteterore ajo ishte 2 orë e gjysëm për 30-35 pyetje.
Vendosja e një kohe kaq të shkurtër për më shumë pyetje është më e pakta arbitrare dhe më e shumta e qëllimshme për tju dhënë mundësinë për t’u futur në mjekësi maturantë me mesatare më të ulët.
Çudia ndodhi, tek ky provim ata kanë marrë pikë me shumë, padrejtesia tjetër është se provimit i është dhënë nga ministria pesha prej 30% në grumbullin e përgjithshëm të pikëve duke e ulur vlerën e 3 viteve gjimnaz dhe 4 provimeve të maturës shtetërore me një të rënë të lapsit.
Te ministria e arsimit kishte shumë të tjerë që ankoheshin për këtë problem.”
