Tre persona janë shpallur në kërkim nga Policia e Tiranës, pasi akuzohen për një grabitje në kryeqytet.
Në kuadër të operacionit policore të koduar “Office” janë shpallur në kërkim shtetasit Elton (Fatjon) Lika, 40 vjeç, Armalind Rrokaj, 51 vjeç, dhe Eljona Rrokaj (Nelaj), 42 vjeçe, të tre banues në Tiranë.
Autoritetet policore bëjnë me dije se nga verifikimet e kryera ka rezultuar se këta shtetas, më datë 28 gusht të këtij viti, kanë vjedhur 9 mijë euro, në kasafortën e një zyre avokatie. Gjatë kontrollit të banesës së shtetasit A. Rr., uniformat blu kanë gjetur dhe sekuestruar 30 mijë euro të dyshuara të vjedhura, një automjet, veshje dhe mjete (kaçavida, dalta) që autorët i kanë përdorur gjatë vjedhjes.
Policia njofton se vijon puna për kapjen e 3 shtetasve. Materialet i kaluan Prokurorisë së Tiranës për veprime të mëtejshme procedurale.
