Sokol Cikalleshi gjen golin e tretë në kampionatin turk. Sulmuesi shqiptar i Konyaspor shënoi golin e avantazhit në transfertën e Basaksehir.
Kjo është rrjeta e tij, e treta sezonale për lojtarin kuqezi që i tregon trajnerit Sylvinho se po gëzon një superformë.
Sokol Cikalleshi është rikthyer në formën e tij më të mirë në Turqi.
Sulmuesi i kombëtares gjeti golin me fanellën e Konyaspor në transfertë kundër Basaksehir për llogari të Superligës turke.
33-vjeçari realizoi një gol mjaft të bukur në minutën e 53-të dhe gjithçka u mbyll me shifrat 1-0.
https://twitter.com/i/status/1698026699697303710
Kavajasi lëshoi një diagonale të fortë tokazi, me portierin kundërshtar që nuk mundi të bënte asgjë për të evituar golin.
Cikalleshi e ka nisur në mënyrën më të mirë të mundshme këtë sezon duke shkuar në kuotën e tre golave në katër ndeshje në elitën turke.
Një lajm i shkëlqyer ky edhe për trajnerin e Shqipërisë, Sylvinho në prag të dy ndeshjeve të kombëtares ndaj Çekisë në transfertë dhe Polonisë në shtëpi.
