Lulzim Basha mblodhi sot Kuvendin Kombëtar të vulës, ku u miratuan disa ndryshime statutore që e blindojnë edhe më shumë pushtetin e tij në parti dhe jetëgjatësinë në krye të saj pavarësisht humbjeve, teksa e shpalli veten edhe kryetar të grupit parlamentar.
Gjatë mbledhjes së Kuvendit, Basha mbajti një fjalim të gjatë, por teksa la mbientet e pallatitit të sportit “Asllan Rusi” pak minuta para se të përfundonte mbledhjen, ai u largua menjëherë dhe nuk u prononcua për mediat, duke shmangur kështu edhe pyetjet nga gazetarët.
Kjo nuk ndodhi vetëm sot, pasi Basha prej kohësh i ka shmangur daliet në media, jo vetëm pyetjet e gazetarëve në terren. Intervistat e fundit televizive të tij datojnë më 17 shkurt të këtij viti, ku bëri disa dalje në disa televizione brenda ditës, ku foli vetëm për 15-vjetorin e Pavarësisë së Kosovës.
Edhe gjatë kohës, kur PD nuk ishte e përçarë, vihej shpesh re se Lulzim Basha rrinte prej muajsh pa dalë në emisionet “prime time”, duke i refuzuar ftesat.
Nuk dihet se cila është arsyeja që Basha “frikësohet” prej mikrofonit të gazetarëve, kur në një kohë ai pretendon se është kryetar i opozitës në vend.
