Zëdhënësja e Partisë Demokratike të vulës, Mirela Karabina ka deklaruar se forca politike ku ajo bën pjesë nuk synon një anëtarësi masive, por cilësore.
Sipas saj partitë me anëtarësi masive kanë mentalitet komunist. Ajo thotë se forca e një partie nuk është tek anëtarësia, por tek efektiviteti i anëtarëve.
“Sa milionë banorë është Shqipëria, jemi 2 mln e ca. Pse duhet të kemi anëtarësi masive? Ky është mentalitet komunist. Nuk e ke forcën e te anëtarësia. Anëtarësia duhet të jetë efektive, votën e ke te qytetarët. Anëtarësia e PD ka qenë fiktive dhe nuk është deklaruar ndonjëherë. Në zgjedhjet e 2021 Bashën e kanë votuar 41 mijë, në zgjedhjet e fundit 16 mijë. Duam të kemi një anëtarësi efektive, masiviteti është mentalitet komunist. Nuk ka nevojë të kesh numra kaq shumë, duhet të kesh anëtarësi efektive”, tha Karabina në Euronews Albania.
