Për shkak të një konflikti për motive të dobëta një 21 vjeçar ka goditur me mjet prerës bashkëmoshatarin e tij.
Si pasojë e lëndimeve të marra, i riu ndodhet në spital, nën kujdesin e mjekëve, ndërsa autori është vënë në pranga.
“Specialistët për Hetimin e Krimeve të Komisariatit të Policisë Nr. 4 arrestuan shtetasit:
– D. Sh., 21 vjeç, banues në Tiranë, pasi gjatë një konflikti për motive të dobëta, ka goditur me mjet prerës, shtetasin A. D., 21 vjeç, i cili si pasojë është dëmtuar dhe ndodhet në spital, në kujdesin e mjekëve”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
