Kompania “Apple” po bëhet gati për lançimin e iPhone 15, e cila pritet të prezantohet më 12 shtator.
Data po afron dhe ekspertët lajmërojnë personat që do shesin telefonin për të blerë një të ri më pas, të veprojnë tani, pasi vlera e të gjitha modeleve pritet të bjerë.
Kompania e ndërrimit të celularëve “Sellcell” parashikon që çmimet e ndërrimit do të bien me 16% pas daljes në treg të modeleve të reja. Kurse sipas “Envirofone” vlera e shitjes apo këmbimit për iPhone 14 Pro do të bjerë me 16% me afrimin e datës së lançimit të produkteve të reja.
iPhone 14 Pro shitet mesatarisht për rreth 820 dollarë për momentin, por pas lançimit, çmimi mund të bjerë me 130 dollarë.
