Kryetari i PD-së, Sali Berisha ka publikuar një video në rrjetet sociale, ku shfaqen fragmente në të cilat kryeministri Edi Rama mbron në debate mediatike projektin e incenratorëve.
Tre kontratat koncesionare tashmë kanë përfunduar në duart e prokurorisë, që ka vlerësuar se buxhetit të shtetit i janë shkaktuar dëme të konsiderueshme, ndërsa ish-zyrtarë të lartë janë pas hekurave apo në kërkim.
Në përfundim të videos, qytetarëve u bëhet apel për të reaguar përmes protestave.
Në komentin që shoqëron pamjet, Berisha shkruan: A nuk është ky (Rama) bosi i mafies qeveritare të plehrave?
