Një zjarr rrezikon Parkun Kombëtar të Lurës. Ministri i Mbrojtjes, Niko Peleshi njofton se efektivët e Forcës Ajrore dhe helikopteri Cougar janë nisur menjëherë për vënien në kontroll të flakëve.
Megjithatë, Peleshi shkruan se situata është serioze për shkak të terrenit dhe erës që favorizon përhapjen e flakëve. Në të gjithë vendin janë disa vatra zjarri.
MM: Efektivët e Forcës Ajrore dhe helikopteri Cougar janë nisur menjëherë për në Parkun Kombëtar të Lurës, pas kërkesës së autoriteteve vendore të Dibrës për vënien në kontroll të flakëve në këtë zonë. Situata është serioze për shkak të terrenit të vështirë dhe erës e cila ka favorizuar përhapjen e flakëve. Deri në këtë moment nuk ka rrezik për banesat, ndërkohë po punohet me intensitet për neutralizimin e plotë.
Gatishmëri maksimale për të mbrojtur një pasuri kombëtare si parku i Lurës!
