Kategoria e Parë do të ngrejë siparin ditën e shtunë, duke u rikthyer kështu emocionet që përcjell ky kampionat.
Skuadrat do të nisin kështu sezonin e ri futbollistik, ndërsa pritet të jetë një garë e fortë si për ngjitjen në Superiore, për “Play-Off” apo “Play-Out”.
14 skuadrat do të përplasin “brirët” mes tyr epër pikët e para të sezonit për të nisur me këmbën e mbarë Kategorinë e Parë.
Java e parë ka rezuervuar përballje të forta mes ekipeve. 6 sfida do të luhet më 2 shtator në orën 16:00, teksa vetëm Vora-Besa e Kavajës do të fillojë në orën 15:00.
Vora do të presë Besën e Kavajës, teksa Burreli do të udhëtojë në Ballsh për të sfiduar Bylisin. Kastrioti-Elbasani është një tjetër sfidë që premton skeptakël, teksa Lushnja-Apolonia gjithashtu mbërthen tifozët.
Ndërkohë Flamurtari do ta nisë sezonin në transfertë, teksa do të sfidojë Luzin, ndërsa Tomori do të presë në Berat skuadrën e Korabit.
