Qarkullimi në rrugën e Llogarasë është bllokuar në të dyja drejtimit nga një kamion që ka pësuar defekt.
Policia njoftoi se rreth orës 12:40, në aksin rrugor “Vlorë-Llogara”, në vendin e quajtur “Çesma”, ka mbetur në rrugë një kamion, për shkak se ka pësuar defekt.
Për këtë arsye është bllokuar ky aks rrugor.
Shërbimet e Policisë vijojnë punën për normalizimin e trafikut dhe për zhbllokimin e rrugës, shtuan të njëjtat burime.
