Benjamin Pavard është në mes të një “zjarri” pasi në njëri krah Bayern Munchen e ka bllokuar ndërsa Interi e pret por jo pafundësisht.
Klubi zikaltër që ka arritur marrëveshjen me lojtarin madje edhe me klubin gjerman nuk mund të presë që Bayern të gjejë një mbrojtës tjetër për ta zëvendësuar dhe pavarësisht faktit që Pavard nuk stërvitet me skuadrën, tashmë ka një afat që duhet respektuar.
Marrëveshja duhet të finalizohet sot brenda orës 15:00, në të kundërt Interi do të të tërhiqet nga bisedimet dhe nuk do të ketë më asnjë mundësi që 26-vjeçari të bashkohet me skuadrën milaneze.
Në rast se Pavard qëndron në Bavari, atëherë ai mund të largohet verën e ardhshme me parametra zero pasi edhe kontrata e tij me Bayern Munchen përfundon në vitin 2024.
