Një aksident ka ndodhur mesditën e kësaj të marte në zonën e njohur si Kalaja në Vlorë. Dy automjete të cilat po qarkullonin në drejtime të ndryshme janë përplasur kokë më kokë.
Dyshohet se një prej mjeteve ka kaluar në korsinë e kundërt për të shmangur një makinë e cila po dilte nga rruga për t’u futur në një prej bareve të zonës, në këtë moment, mjeti përballë, me shpejtësi e ka goditur.
Si rrjedhojë e aksidentit në fjalë është dëmtuar edhe një mjet i tretë në pjesën e pasme.
Në dy mjetet e përfshira në aksident, janë raportuar dëme materiale, si dhe një person i plagosur lehtë. Në një prej mjeteve drejtuesi dhe pasagjeri ishin me kombësi italiane.
