Një aksident me një person të plagosur ka ndodhur këtë të martë në Pogradec, ku një motoçikletë ëshë përplasur me një biçikletë.
“Rreth orës 13:10, në afërsi të kryqëzimit të fshatit Starovë, Pogradec, motomjeti me drejtues shtetasin A. K., banues në fshatin Gështenjas, është përplasur me biçikletën me drejtues shtetasin S. B., banues në Guras”, njoftoi policia.
Drejtuesi i biçikletës ka marrë dëmtime dhe u dërgua për ndihmë mjekësore në spital ku ndodhet jashtë rrezikut për jetën, ndërsa me drejtuesin e motomjetit, A. K., po kryhen veprimet procedurale, shtuan të njëjtat burime.
