Vllaznia përforcohet në sulm teksa nëpërmjet një njoftimi në rrjetet sociale, klubi shkodran bën të ditur se ka nënshkruar me Bruno Gomes De Oliveira Conceição.
27-vjeçari ka firmosur një kontratë njëvjeçare me opsionin për ta rinovuar edhe për një tjetër vit teksa në dy sezonet e fundit, sulmuesi ka qenë pjesë e portugezëve të Nacional.
Lojtari do të vendoset menjëherë nën urdhrat e trajnerit Migen Memelli që tashmë kompleton edhe më shumë organikën duke pasur Gomez si një alternativë më shumë.
Vllaznia e nisi kampionatin me suksesin 3-1 ndaj Kukësit dhe do të kërkojë vazhdimësinë edhe në javën e dytë të Superiores aty ku i pret transferta ndaj Erzenit.
Njoftimi i Vllaznisë:
KF Vllaznia ka kënaqësinë të njoftojë se nga sot pjesë e tij është edhe futbollisti brazilian Bruno Gomes De Oliveira Conceição. Ai është 27 vjeç dhe luan në repartin e sulmit. Gomes vjen tek skuadra jonë pas dy sezoneve të fundit që ka luajtur në Portugali me ekipin CD Nacional. Lojtari ka firmosur një kontratë njëvjeçare me klubin tonë, me të drejtë rinovimi edhe për një vit tjetër.
Welcome Bruno!
