Partia Socialiste ka njoftuar se më 4 shtator do të zhvillojë mbledhjen e Asamblesë Kombëtare.
“Të nderuar anëtarë të Asamblesë Kombëtare! Ju njoftojmë që ditën e hënë ( 04.09.2023), ora 16:30, tek kompleksi “Xibraku” Tiranë do të zhvillohet mbledhja e AK të partisë. Ju lutemi konfirmoni pjesëmarrjen!”, thuhet në një njoftim dërguar anëtareve.
Pak ditë më parë, kryeministri Rama u pyet lidhur me ndryshimet në qeveri. Ai u përgjigj se do të duhet që të presim dhe pak ditë për mbledhjen e asamblesë.
Mbledhja e asamblesë do të mbahet në të njëjtën ditë që do të nisë edhe sesioni i ri parlamentar.
