Përfundon në një barazim spektakolar 3-3 sfida e tretë e javës së parë të Kategorisë Superiore mes Laçit dhe Erzenit.
Dy skuadra që kanë ndryshuar shumë në merkaton e verës dhe luajtën një futboll të hapur në Kurbin ku vendasit ishin gjatë gjithë kohës në kryesim por një gol i fundit i shënuar në minutat finale nga Kahrimanovic vendosi barazpeshën.
Skuadra e Stavri Nicës e nisi menjëherë me golin e të riut Sabovale por Mihana barazoi ndërsa në minutën e 30 Bajramaj riktheu epërsinë e vendasve.
Më rikthimin e skuadrave në fushën e lojës, Ujka thelloi avantazhin e bardhezinjve që e menduan të fituar ndeshjen por sulmuesi fierak Redon Mihana në minutën e 81 dhe lideri i mesfiushës Kahrimanovic barazuan sfidën duke i dhuruar një barazim të artë skuadrës shijakase të drejtuar nga trajneri Deliallisi.
