Policia e Korçës ka arrestuar në flagrancë dy persona, të cilët ishin bashkëpunëtorë të lëndëve narkotike.
Blutë e Korçës finalizuan operacionin policor të koduar “Night sales 5″, si rezultat i të cilit u arrestuan në flagrancë shtetasit Klajdi Fezolli, 28-vjeç dhe Aleksandra Fejzo, 24-vjeçe, të dy banues në Korçë.
Burimet zyrtare njoftojnë se në lagjen nr. 1 Korçë, kanë ndaluar automjetin me drejtues 28-vjeçarin dhe ku ishte pasagjere shtetasja Aleksandra Fejzo.
Nga kontrollet e ushtruara kësaj së fundit, iu gjet një sasi lënde e dyshuar narkotike kokainë, e ndarë në doza të gatshme për shitje.
Nga verifikimet rezultoi se Klajdi Fezolli lëvizte me automjet, i papajisur me leje drejtimi, për të shpërndarë dozat e kokainës.
Njoftimi nga policia:
“Specialistët e Seksionit për Hetimin e Narkotikëve të DVP Korçë, në vazhdën e operacioneve me fokus goditjen e veprimtarisë kriminale të shitjes së lëndëve narkotike, në doza, në zona të ndryshme të qarkut, finalizuan operacionin policor të koduar “Night sales 5″, si rezultat i të cilit u arrestuan në flagrancë shtetasit K. F., 28 vjeç dhe A. F., 24 vjeçe, të dy banues në Korçë. Në bazë të informacioneve të siguruara nga inteligjenca policore, për veprimtarinë kriminale të këtyre 2 shtetasve, në lagjen nr. 1, Korçë, u ndalua automjeti me drejtues 28-vjeçarin dhe ku ishte pasagjere shtetasja A. F. Nga kontrollet, shtetases A. F. iu gjet një sasi lënde e dyshuar narkotike kokainë, e ndarë në doza të gatshme për shitje, ndërsa nga verifikimet, rezultoi se shtetasi K. F. lëvizte me automjet, i papajisur me leje drejtimi, dyshohet për të shpërndarë dozat e kokainës”, njofton policia.
