Start fantastik sezoni për Union Berlin që shkatërron 4-1 në transfertë Darmstad. Skuadra kryeqytetase që po kalon një moment të shkëlqyer në Gjermani pasi këtë sezon do të marrë pjesë edhe në Champions League, nuk hasi aspak vështirësi për të kaluar ekipin ku luan edhe Klaus Gjasula, i cili nuk figuroi në listën e të grumbulluarve për shkak të një dëmtimi.
Me këtë fitore në transfertë, Union Berlin ngjitet në kuotën e 6 pikëve pas 2 javëve të para, 2 më shumë se Borussia Dortmund që u ndal në barazim 1-1 në fushën e Bochum.
Nënkampionët e nisën ndeshjen në disavantazh por ishte Malen ai që barazoi rezultatin në minutën e 56. Në dy ndeshjet e tjera të orës 15:30, Wolfsburg kaloi Këlnin 2-1 po në transfertë, Freiburg kaloi 1-0 Werder Bremen në fund ndërsa po në fund Hoffenheim u imponua 3-2 në Heidenheim.
