Dhjetëra turistë, mes tyre edhe fëmijë, janë shoqëruar me urgjencë në spitalin e Vlorës me shenja helmimi.
Drejtoresha e spitalit rajonal Vlore Bruna Mersini tha për mediat se ende nuk dihet nëse helmimi ka ardhur për shkak të ushqimit të konsumuar apo për shkak të vapës, pasi fëmijët polak kanë qenë në udhëtim gjithë ditën e dielli mund të ketë ndikuar.
Ajo tha se gjendja e tyre paraqitet e qëndrueshme.
“Fëmijët janë të moshës 14 dhe 15 vjeç. Fëmijët kanë udhëtuar gjithë ditën, kanë ardhur nga Shkodra pas udhëtimit kanë marrë anijen për në Karaburun. Janë paraqitur me çrregullime gastroindestrinale situata është nën kontroll. Pra është alerti që ne i japim situatës kur janë shumë fëmijë. Janë rreth 20 fëmijë“, tha Mersini.
E pyetur se nga ka ardhur helmimi, mjekja tha:
“Ky është një shqetësim se edhe ne mjekët fillojmë hetimin epidemiologji, sapo të kryhen hetimet mjekësore, do kemi përgjigjen se nga ka ardhur. Këta janë fëmijë dhe vapa e qëndrimi në diell mund të ketë ndikuar”.
