Një ngjarje e rëndë është regjistruar në Kosovë. Mediat në vend raportojnë se një pacient ka humbur jetën si pasojë e një zjarri që përfshiu shërbimin emergjent të Klinikës së Psikiatrisë në QKUK.
Viktima ishte i shtruar në klinikë dhe dyshohet se ii ka vënë flakën vetes.
Si pasojë e zjarrit tre punonjës së qendrës shëndetësorë janë asfiksuar por gjendja e tyre paraqitet e stabilizuar në parametrat jetësorë.
“Qendra Klinike Universitare e Kosovës (QKUK), njofton se mbrëmë rreth orës 23:00, në Repartin e Urgjencës dhe Intensives Psikiatrike ka ndodhur një zjarr, në njërën nga dhomat e tipit të mbyllur, ku qëndrojnë pacientët përkohësisht, pacientë në gjendje të agresivitetit dhe agjitimit të theksuar psikomotor, jo koshient për gjendjen mendore.
Në të njëjtin Repart, në të njëjtën kohë, dyshohet se një pacient i ka vënë zjarrin në rrethana të panjohura dhomës së tipit të mbyllur, me ç’rast si pasojë e ngulfatjes nga tymi (asfiksioni) ai ka humbur jetën, përkundër përpjekjeve maksimale të stafit shëndetësor për ta shpëtuar pacientin”, thuhet në njoftim.
