Një person i armatosur hapi zjarr brenda një lokali në Kaliforni të mërkurën, duke vrarë të paktën katër persona dhe duke plagosur të tjerë, tha policia lokale, duke shtuar se një i dyshuar ishte gjithashtu i vdekur.
“Ne kemi konfirmuar 4 vdekje në vendngjarje, duke përfshirë edhe sulmuesin”, tha Zyra e Sherifit të Orange County përmes X (ish-Twitter). Ai shtoi se gjashtë persona të tjerë “u dërguan në spital, pesë prej tyre me plagë plumbash”.
Gjatë incidentit ka pasur përfshirje të një punonjësi policie, shtoi i njëjti burim, duke lënë të kuptohet se sulmuesi ka mbetur i vdekur nga të shtënat e tij. Asnjë oficer policie nuk u lëndua, tha ai.
4TV BREAKING ** Several people killed in shooting at a bikers' bar in California's Orange County: Police pic.twitter.com/vEN4ArOsL4
— Shakeel Yasar Ullah (@yasarullah) August 24, 2023
Më herët, stacioni televiziv lokal KABC, pjesë e rrjetit kombëtar ABC News, raportoi 2 vdekje në Orange County, Kaliforni, komuniteti i Trumpico Canyon në incidentin në një bar-restorant të frekuentuar nga çiklistët.
Sipas burimeve të televizionit, i dyshuari për të shtënat masive – sulme me armë që kanë më shumë se katër viktima, në idiomën e autoriteteve policore amerikane – është plagosur dhe arrestuar.
Sipas të njëjtave burime, asnjë punonjës policie nuk është lënduar. Zyra e sherifit të qarkut u bëri thirrje qytetarëve që të shmangin zonën për orët e ardhshme.
