Ashtu siç pritej, PS ka miratuar kandidaturën e Albert Halilajt për ti përfaqësuar në zgjedhjet e 24 Shtatorit që do të zhvillohen në Kukës për të zgjedhur kryetarin e ri të Bashkisë.
Lajmin e ka konfirmuar drejtuesi politik i PS për Kukësin, Pandeli Majko.
“Sot, asambleja e Partisë Socialiste miratoi kandidaturën e Albert Halilaj! Shtabi elektoral bëri mbledhjen e parë! Vështirsia është sfidë dhe jo pengesë për familjen tonë! Do ja dalim”, shkruan Majko në një postim në rrjetet sociale.
Albert Halilaj do të jetë përballë një prej 6 kandidaturave të mundshme nga opozita, i cili do të zbulohet nëprimaret e së dielës.
Vendi i kryebashkiakut në Kukës mbeti vakant me largimin e Safet Gjicit, që erdhi pas skandalit seksual.
