Alexic Sanchez do të jetë përforcimi i ri i Interit. Një emër i njohur për zikaltrit, pjesë e të cilëve ishte deri një vit më parë, kur u largua në drejtim të Oimpik Marsejës. Largimi i Hoakin Korrea drejt klubit francez, ka sjellë këtë kthim të Sançez, i cili në fakt kishte prishur më parë kontratën e tij me marsejezët.
Futbollisti ka zbarkuar sot në aeroportin e “Linate’ në Milano, teksa nesër do të kryejë vizitat mjekësore para se të hedhë firmën në kontratën e re. Ai kështu bëhet gati për një etapë të dytë me Interin, teksa në të parën iu gëzua edhe titullit kampion, në periudhën kur skuadra drejtohej nga Antonio Konte.
Sipas mediave italiane, marrëveshja e re do të jetë për një rrogë prej 3 milionë eurosh në sezon, thuajse gjysma e asaj që përfitonte te zikaltrit deri në momentin kur ai iku. Por lojtari ka bërë gjithçka vetëm për t’u kthyer, duke rënë dakord edhe që të ulë ndjeshëm rrogën për t’u vënë përsëri nën urdhrat e Inzagit.
Alexis Sánchez, in Milano right now to sign in as new Inter player on short term deal ⚫️🔵🇨🇱
Medical tests booked on Friday.
— Fabrizio Romano (@FabrizioRomano) August 24, 2023
