Dobësitë në sezonin e shkuar nxorën në pah problemet të shumta në kontingjentin e kampionëve, aty ku shqetësimi më i madh vërtitej me numrin “9”.
Edhe pse në media emri i Jan-Christian Dresen është lakuar si personazhi që është marrë me trajtesën e transferimeve, prestigjiozja gjermane “Sport Bild” vendos në plan të parë një tjetër “aktor”, Karl-Heinz Rummenigge.
67-vjeçari ka si rol te kampionët pozitën e anëtarit, por mesa duket kjo përkon vetëm në letër, pasi ai ka marrë “frerët” e lëvizjeve në këtë dritare transferimesh.
Duke nisur me sigurimin e futbollistit Kim Min-jae, i cili ndodhej një hap larg Mançester Junajtidit, megjithatë bindja e legjendës gjermane i ndryshoi destinacionin mbrojtësit koreano-jugor.
Nëse i referohemi pikës kulmore, korrespondon me operacionin ”Kane”.
Negociatat me Presidentin e Totenhemit, Daniel Levi, vështrohen si tabu për çdo ekip që kërkon të marrë në gjirine tyre lojtar nga “gjelat”, megjithatë Rummenigge ia doli në kufirin e 100 milionë eurove, ndryshe nga pretendimet e londinezëve, 116 milionë euro.
Sipas kësaj analize nga “Sport Bild”, Rummenigge. i shtron “tapetin” e finalizimit të marrëveshjeve shefit Jan-Kristian Dresen, ky i fundit vetëm sa firmos dhe reklamohet përpara mediave, pasi protagonisti i vërtetë punon në vijën e dytë.
