Të rreshtuar rreth tavolinës së pokerit dhe duke konsumuar kokainë. Kështu janë arrestuar 11 persona në zonën e Kombinatit në kryeqytet, të cilat akuzohet për organizimin e aktivitetit të paligjshëm të lojërave të fatit.
Sipas policisë ata u kapën në flagrancë duke organizuar lotari të palejuara, në 2 lokale. Blutë po ashtu kanë shpallur në kërkim pronarin e njërit prej lokaleve.
Njoftimi i policisë:
Është organizuar dhe finalizuar operacionin policor të koduar “Game over”.
Në kuadër të këtij operacioni u arrestuan shtetasit: F. K., 30 vjeç, Sh. O., 34 vjeç, E. L., 36 vjeç, M. M., 26 vjeç, B. Z., 33 vjeç, E. R., 28 vjeç, A. B., 23 vjeç, S. C., 33 vjeç, H. N., 34 vjeç, E. H., 22 vjeç, dhe V. M., 26 vjeç.
Gjithashtu, u shpall në kërkim shtetasi L. S., 23 vjeç.
Gjatë kontrolleve të ushtruara, shërbimet e Policisë kanë kapur në flagrancë duke vendosur baste sportive online, duke luajtur poker me çipsa dhe duke konsumuar kokainë, 11 shtetasit e arrestuar.
Në cilësinë e provës materiale u sekuestruan 1 tavolinë pokeri dhe çipsa, 18 aparate celulare, shuma të ndryshme parash, si dhe sasi lënde e dyshuar narkotike kokainë.
Vijon puna për kapjen e shtetasit L. S. Materialet i kaluan Prokurorisë, për veprime të mëtejshme.
