Të paktën 15 persona kanë humbur jetën dhe 36 të tjerë janë plagosur pasi një autobus që transportonte emigrantë nga Venezuela në Meksikë u aksidentua.
Aksidenti ka ndodhur në autostradën që lidh Oaxaca-n me Puebla-n.
Sipas autoriteteve autobusi goditi një kamion. Të plagosurit u shtruan në një spital në Tehuacan, qytetin e dytë më të madh në Puebla.
Guvernatori i shtetit të Oaxaca, Salomon Jara konfirmoi aksidentin dhe dërgoi ngushëllimet e tij por nuk dha një raport për ngjarjen e rëndë.
