Kryeministri në largim i Malit të Zi, Dritan Abazoviç është sulmuar mbrëmjen e djeshme në një diskotekë në Budva.
Lajmi raportohet nga gazeta serbe Kurir, që bëne me dije se Abazoviç ndodhej në diskotekën “Top Hill”, e cila ndodhet në majën e Toplishtit, në Budva.
Sipas Kurir tentativa për të goditur Abazoviiç është bërë nga një person në mesin e turmës, teksa ndiqnin performancën e Dino Merlin.
“Dritani ishte në shfaqjen e Merlinit, kur një nga vizitorët tentoi t’i afrohej dhe ta sulmonte. Ai ka shqiptuar një breshëri ofendimesh, e më pas ka tentuar t’i afrohet”, raporton gazetaari i Kurir nga vendi i ngjarjes.
Sipas medias serbe në diskotekë është krijuar kaos dhe rrëmujë, ndërsa rojet e sigurisë së kryeministrit kanë reaguar me shpejtësi për të neutralizuar sulmin.
“U hodh gaz lotsjellës dhe Abazovic u evakuua. Nga sa dimë ai është mirë dhe nuk është i lënduar. Po vijon hetimi nga policia lokale, e cila po merr të gjitha masat për identifikimin dhe ndjekjen penale të pjesëmarrësve në sulm”, shkruan më tej Kurir.
