Mediat malazeze kanë publikuar pamjet e momentit kur truprojat e kryeministrit Dritan Abazoviç dhe policia ndërhyjnë për të shuar një konflikt që ndodhi në një diskotekë në Budva.
Abazoviç ndodhej në diskoketën “Top Hill”, ku performonte në një concert Dino Marilyn, por është përfshirë në një konflikt pasi është ofenduar dhe tentuar të goditet nga një anëtar i publikut, sipas Kurir.
Në videon e publikuara nga mediat malazeze, Abazoviç shihet gjatë momentit të evakuiimit, i rrethuar nga truprojat që e shoqërojnë drejt makinës së tij.
Aty po ashtu shihen disa të rinj teksa dalin nga diskoteka duke u kollitur pasi sigurimi ka përdorur gaz lotsjellës për të shpërndarë turmën.
Megjithatë, mediat vendase theksojnë se gazi lotsjellës është hedhur vetëm pasi Abazoviç është larguar nga koncerti.
Policia malazeze po ashtu ka hedhur poshtë versionin se kryeministri është sulmuar. Ato sqarojnë se në diskotekë ka pasur një sherr mes disa personave dhe aty pranë ka qenë edhe Abazoviç.
