Një aksident i tmerrshëm rrugor ka ndodhur mesditën e së dielës në autostradën Livadhia-Amfisa, pas një përplasje kokë më kokë mes një autobusi dhe një makine.
Në rrethana të paqarta, mjeti i drejtuar nga një 67-vjeçare greke është përplasur kokë më kokë me një autobus që transportonte turistë kinezë nga Delphi.
Si pasojë e përplasjes së rëndë, makina është përmbysur dhe ka shpërthyer në flakë, ndërsa e moshuara ka mbetur e bllokuar brenda saj dhe ka ndërruar jetë tragjikisht.
Në fakt, sipas informacioneve të LamiaReport, një tjetër makinë lëvizte përpara makinës fatale, në të cilën ndodhej vajza e gruas që humbi jetën.
Autobusi, që po ashtu është dëmtua rëndë në pjesën e përparme ka dalë në korsinë e djathtë të rrugës duke tentuar të shmangë përplasjen.
Pesë nga 34 pasagjerët janë lënduar lehtë dhe janë dërguar në spitalin e Amfisës.
Hetimet paraprake për aksidentin janë duke u kryer nga Sektori i Qarkullimit në Amfisa.
