Largimi i Jan Zomerit drejt Interit e rriti më tepër shqetësimin te pala e Bayernit, marrë në konsideratë edhe lëndimin e Manuel Neuer.
Por mesa duket “ditët me diell” kanë filluar të shkëlqejnë sërish në këtë sektor me protagonist Daniel Perec.
Personazhi në fjalë inkuadrohet me ekipin e Makabi Tel Aviv në Izrael dhe sipas mediave më në zë brenda kufijve si “Bild” apo “Sky Sport.de” theksohet se kampionët e Bundesligës kanë arritur akord me ekipin izraelit për 4 milionë euro.
Gardiani 23-vjeçar pritet të firmosë kontratë 4-vjeçare, e cila bën të kuptosh se ai konsiderohet si trashëgimtari i numrit “1” në “Allianz Arena” brenda një periudhe të shkurtër, marrë në konsideratë moshën e “plakushit” Manuel Nojer, 37 vjeç.
Deri në këtë pikë, rekordmenët mbrohen në katërkëndësh vetëm nga Sven Ularish.
