Një fluks i madh qytetarësh, në ikje dhe në ardhje, është regjistruar paraditen e kësaj të shtunë në Portin e Vlorës.
Mësohet se 1400 pasagjerë dhe 320 makina kanë ardhur nga Brindisi në Vlorë ditën e sotme, ndërkohë rreth 3200 pasagjerë janë larguar sot përmes portit.
Sakaq, raportohet se shumë udhëtarë mbeten pa ikur sot, pasi tragetet nuk kanë kapacitet. Siç duket edhe nga pamjet e mësipërme, në port është krijuar radhë e gjatë kilometrike.
Edhe Porti i Durrësit nuk mbetet prapa me fluksin e udhëtarëve. Gjatë 24 orëve të fundit(nga dje në mëngjes deri sot në mëngjes), në portin e Durrësit kanë hyrë 3875 udhëtarë dhe 847 automjete. Dje kanë dalë 6858 udhëtarë dhe 1603 automjete ndërsa mëngjesin e sotëm hynë 1308 udhëtarë dhe 380 automjete. Priten edhe 3 tragete ë tjerë me rreth 1500 udhëtarë dhe 450 automjete.
