“Ne mburremi që kemi futur sterilizimin”
Kështu ka deklaruar shkurtimisht për gazetarët, ish-drejtor i përgjithshëm i shërbimit spitalor në Ministrinë e Shëndetësisë, Petro Mersini. Për të, Gjykata e Posaçme ka caktuar masën e sigurisë “detyrim paraqitje”.
Ndërsa, shefi i kirurgjisë në QSUT dhe njëkohësisht rektori i Universitetit të Mjekësisë, Arben Gjata nuk ka preferuar të flasë për mediat me justifikimin se është në masë sigurie dhe nuk mund të shkelë sekretin hetimor.
Gjata, në kohën kur u lidh koncesioni më dhjetor të vitit 2015 ka pasur detyrën e anëtarit të komisionit të koncesionit të sterilizimit.
Gjykata e Posaçme ka lënë në fuqi masat për 8 urdhër-arrestet e lëshuara për koncesionin abuziv të sterilizimit, me vlerë 100 milionë eruo.
Më konkretisht janë lënë në fuqi masat “arrest me burg” për ish-zëvendësministrin e Shëndetësisë, Klodian Rjepaj, si dhe biznesmenin që ka fituar koncesionin Ilir Rrapaj. Gjithashtu, janë lënë në fuqi masat “arrest shtëpie: për: Saimir Kadiu, Drejtor Ekonomik, dhe Marsela Serjanaj, Drejtoreshë Juridike. Si dhe masat “detyrim paraqitje” për: Arben Gjata, Pertef Mersini, Genc Burazeri dhe Naile Ajazi.
Shtatë zyrtarët akuzohen për veprat penale “Falsifikim i dokumentave” dhe “Shpërdorimi i detyrës”, të dyja të kryera në bashkëpunim. Ndërsa, biznesmeni Ilir Rrapaj akuzohet për veprën penale “Mashtrimi”, me pasoja të rënda.
Sterilizimi/ Rrapaj dhe Rjepaj mbeten në burg, GJKKO lë në fuqi 8 masat e sigurisë
